Patay ang driver sang motorsiklo samtang pilason naman ang angkas sini sang magbunggo sa Poste kaina sang las-12 sa kaagahon sa Brgy. Purok 5, San Joaquin, Iloilo.
Ginkilala ang driver nga amo ang amay nga si Fernando Nalagon, 50-anyos, residente sang Barangay Bagumbayan, San Joaquin samtang ang iya bata nga naga-angkas ginkilala naman Kay Alyas Nonoy, isa ka menor-de-edad.
Sa interview sang Radyo Bandera Iloilo Kay PLT. Dionisio Estacio, Hepe sang San Joaquin MPS, nakabunggo ang ginamaneho nga motorsiklo ni Nalagan sa Poste.
Nakaagum sang patal nga pilas sa guya ang driver kag pilas naman sa nagkalain-lain nga parte sang lawas ang naagum sang angkas sini.
Gilayon naman nga gindala ang mag Amay sa Hospital apang gindeklarar ang Amay nga Dead on arrival.
Nahibaluan nga madasig ang padalagan sang motorsiklo ni Nalagon kag wala ini sila suksok nga helmet.
