Friday, October 7, 2022

Mag-asawa nga kapin 6 ka dekada na nga naga-upod, napun-an sang kalipay ang tagipusuon matapos makabaton sang timprano nga pamaskwa halin sa Radyo Bandera Iloilo, Serbisyong Bandera, Wow May Puso!

- Advertisement -

ILOILO CITY — Napun-an sang kalipay ang tagipusuon sang mag-asawa nga sanday Luisa Garzon, 74-anyos kag Asencion Garzon, 75-anyos sang Brgy. Hibao-an Sur, Mandurriao matapos makabaton sang timprano nga pamaskwa nagikan sa Radyo Bandera Iloilo, Serbisyong Bandera, Wow May Puso!

Si lola Luisa ang nagalibod sang utan sa mga pamalay-malay samtang si lolo Asencion ukon mas kilala bilang “Dodoy” ang nagatanom-tanom sang mga utanon agud makuhaan sang palangitan-an kag makasapin-sapin sa ila kinahanglanon sa adlaw-adlaw nga tanan.

Duha nalang sila ang nagapangabuhi sa ila nga hayob-hayob nga tarapal ang atop kag masami pa sila nagaka-ambihan kag nagalutak pa ang duta kun mag-ulan bangud lunsay may mga pamilya naman ang lima nila ka mga bata.

- Advertisement -

Nahibaluan nga cash assistance for senior citizens halin sa DSWD lamang ang ila ginasaligan gani nga nagatinguha man ang mag-asawa sa ila nga pagpangabuhi.

Kaupod kis-a ni lola ang iya apo nga maglibod apang kun kis-a ang apo niya nalang ang nagabaligya bangud nagalain ang pamatyag sini tungod sa high blood.

Nangin emosyonal naman ang mag-asawa kag dako gid ang pagpasalamat sang ginhatag na ang bugas, grocery items kag DTX Coffeemix sa ila.

- Advertisement -

Si Lola Luisa kag Lolo Asencion ang pila lamang sa mga benepisyaryo sang Radyo Bandera Iloilo, Serbisyong Bandera, Wow May Puso nga padayon nga nagabulig sa mga nagakinahanglan kag nagahatag sang paglaum sa mga Ilonggo.

Padayon nga magahatag ang Radyo Bandera Iloilo sa mga pamilya nga pigado kag nagakinahanglan sang bulig, gani kabandera bantayan kay basi ikaw na ang masunod nga mahatagan.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,030SubscribersSubscribe

Latest Articles