Monday, August 8, 2022

Mag-asawa nga senior citizen, wala sang sudlan ang nabatyag nga kalipay sang makabaton sang pamaskwa halin sa Radyo Bandera Iloilo, Serbisyong Bandera, Wow May Puso!

- Advertisement -

Mainit ang pagabi-abi sang mag-asawa nga senior citizen sang mag-abot ang News Team sang Radyo Bandera Iloilo sa Zone 2, Katilingban, Molo.

Ang mag-asawa nga sanday Ninfa Fernandez, 76 anyos kag Antonio Fernandez, 75 anyos, ang duha na lang magkaupod sa ila panimalay bangud ang ila mga kabataan ang may mga pangabuhi kag may pamilya na.

Si Tatay Antonio ang anay nagatrabaho paminta sang salakyan sa La Paz apang nag-untat na ini, 10 na katuig ang nagligad.

- Advertisement -

Wala naman sang paglangitan-an ang mag-asawa bangud tigulang na sila kag si Nanay Ninfa ang nagabaligya lang sang kape apang ang kita ang husto lang ibakal sang ila nga bugas.

Dako gid ang pagpasalamat sang mag-asawa bangud una ini nga kahigayunan nga makabaton sila sang isa ka sako nga bugas, grocery items, kag hygiene kits.

Ang mag-asawa nga Fernandez ang benepisyaryo sang Radyo Bandera Iloilo, Serbisyong Bandera, Wow May Puso nga padayon nga nagabulig sa mga nagakinahanglan kag nagahatag sang paglaum sa mga Ilonggo.

- Advertisement -

Nahibaluan nga ang ginhatag nga bulig ang halin sa ginkolekta nga fund sa ginpatigayon nga Sikad Mo: Kabuhi Ko (Fun Ride and Bike Race) sang tinalikdan nga Hulyo 3 kadungan sang 1st year Anniversary sang Radyo Bandera Iloilo kag sang RYU-Foundation ni Dr. Ramel Uy.

Padayon nga magahatag ang Radyo Bandera Iloilo sa mga pamilya nga pigado kag nagakinahanglan sang bulig gani kabandera bantayan kay basi ikaw na ang masunod nga mahatagan.

- Advertisement -

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
896SubscribersSubscribe
- Advertisement -

Latest Articles