Wednesday, August 17, 2022

Maglive-in partner dakop sa buybust operation sa distrito sang Molo

- Advertisement -

ILOILO CITY — Dakop ang maglive-in partner sa buybust operation nga ginpatigayon sang Station Drug Enforcement Team sang Molo Police Station sa Zone 4, Baluarte, Molo takna alas-3:13 kaina sang kaagahon.

Ginkilala ang mga suspetsado nga sanday Emel Gumacal, 39-anyos kag residente sang Tanza Baybay, City Proper kag kaupod sini ang iya live-in partner nga si Lotis Amaraco, 41-anyos kag residente sang Barangay Tanza Esperanza apang temporaryo ang mga ini nga nagapuyo sa Zone 4, Baluarte, Molo sa diin ginpatigayon ang buybust.

Sa interview sang Radyo Bandera Iloilo kay PMaj. Marlyn Roquero, hepe sang Molo Police Station, ginpahayag sini nga malapit tatlo ka semana nga gin-surveillance ang drug suspect antes ginpatigayon ang operasyon.

- Advertisement -

Nakuha sa paghinakop sang duha ang P2,100 nga buybust money, isa ka big elongated sachet, tatlo ka small elongated sachets sang suspected shabu, isa ka cellular phone kag isa ka coin pouch.

Samtang suno kay Gumacal, bangud sa kapigaduhon nahimo niya magbaligya sang iligal nga droga apang aminado ini nga bag-o pa lang siya sa nasambit nga iligal nga buluhaton.

Sa karon, nakahunong sa Molo PS ang mga suspetsado nga ginakabig bilang Street Level Value Individuals para sa nagakaigo nga disposisyon.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
916SubscribersSubscribe
- Advertisement -

Latest Articles