Wednesday, November 30, 2022

Manug-isda kag nagapangape sa tyangge, nasalabat sa nagluntad nga shooting incident sa Dapitan, Pototan; suspek, mabalos lang kuntani matapos ginpulihan sang mag-amay nga upod sa obra

- Advertisement -

ILOILO CITY —Nasalabat ang isa ka manug-isda nga naglabay sa lang kag ang isa ka nagapangape lang sa tyangge sa nagluntad nga shooting incident sa Barangay Dapitan, Pototan, Iloilo alas-6:30 kaina sang aga.

Sa interview sang Radyo Bandera Iloilo kay PSSgt. Richard Cabucos, imbestigador sang Pototan Municipal Police Station, ginpulihan sang mag-amay nga Leo kag alyas Intsik Doloria ang suspek nga si Romonick Laranja, 30-anyos nga nagapamubod sang manok bangud sa gina-alegar problema parte sa ila nga obra.

Nahibaluan nga caretaker sa Golden Grey Agri Supply si Laranja, samtang si Leo ang driver sa amo man nga agri supply.

- Advertisement -

Suno kay Cabucos, nagkuha sang homemade 12 guage shotgun si Laranja agud magbalos sa duha apang gilayon nga nalagyo ang mga ini, samtang nasalabat naman sanday Gerald Labordo, 32-anyos, residente sang Brgy. Manaolan, Badiangan, Iloilo, kag manug-isda, kag si Jerry Pama, 61-anyos, residente sang Brgy. Catoogan sa amo nga banwa kag nagapangape sa tyangge.

Nakaangkon sang kibyas sa tangkugo si Labordo samtang kibyas naman sa natuo nga dughan si Pama kag padayon karon nga ginabulong sa Iloilo Provincial Hospital.

Nakahunong na sa Pototan MPS si Laranja kag narecover sa iya paghinakop ang armas-luthang nga gingamit nga may magazine kag isa ka bala.

- Advertisement -

Wala naman nakita pa sanday Leo kag alyas Instik.

Sa karon, handa nga magpa-areglo si Labordo samtang ginahulat naman ang desisyon sang pamilya ni Pama.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,180SubscribersSubscribe

Latest Articles