Monday, December 5, 2022

Masobra ₱1 ka million nga balor sang droga, nakumpiskar sa drug buy bust operation sanG RPDEU6 KAG ICPS 5 sa distrito sang Mandurriao

- Advertisement -

Nagdangat sa balor ₱1, 020, 000 sang droga nga may kabug-aton nga kapin 150 grams ang nakumpiskar sa ginpatigayong nga drug buy-bust operation sang gintingub nga pwersa sang Regional Police Drug Enforcement Unit 6 (RPDEU), Iloilo City Police Station 5 (Mandurriao PNP) kag Philippine Drug Enforcement Agency Region VI, ala una sini nga hapon, Oktubre 6.

Ginkilala ang mga main target nga High Value Individual nga sanday Reynaldo Cabintoy, 34-anyos, residente sang Brgy.Veterans Village, Iloilo City kag Nicanor Tremucha, 41-anyos kag residente

sang Brgy. Sooc Arevalo; samtang ginkabig naman nga Street Level Individual ang subject nga sanday Ivan Tacdoro, 33-anyos, residente sang Brgy. Sooc Arevalo kag Richard Selerio, 29-anyos kag residente sang Brgy. Guzman Mandurriao.

- Advertisement -

Sa impormasyon nga nakuha sang Radyo Bandera Iloilo, natigayon nga naaresto ang subject matapos nabaklan sang police poseur-buyer sang isa ka heat sealed transparent plastic sachet nga may unod sang ginapatihan shabu gamit ang buy bust money nga ₱12,000.

Narekober man ang 34 ka mga heat sealed transparent plastic sachets nga ginapatihan shabu, isa ka unit sang .22 caliber pistol nga may walo ka live ammunitions, lima pa ka live ammunitions, isa ka unit sang Blue Techno cellular phone, ₱800 nga benta, isa ka black black digital weighing scale, isa ka unit sang black Nokia keypad cellular phone, isa ka unit sang skyblue redmi keypad cellular phone, isa ka unit nga orange RUSI motorcycle nga wala sang plate number, isa ka unit sang RUSI motorclcycle nga may temporary plate number nga 060110 kag iban pa nga non-drug items.

Yara na karon sa paghinakop sang Mandurriao PNP ang suspek kag magapangatubang sang kaso sa paglapas sa Republic Act 9165 ukon ang Comprehensive Dangerous Drugs Act of 2002.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles