Tuesday, January 31, 2023

Masobra 100 ka motorista, nadakpan sa nagapadayon nga operasyon batok sa mga magahod nga tambutso kag road safety campaign sa syudad sang Iloilo

- Advertisement -

ILOILO CITY — Nagadangat na sa masobra 100 ka mga motorist ang nadakpan sa nagapadayon nga operation batok sa mga modified mufflers kag sa kampanya angot sa road safety kaangay sang wala nagasuksok sang helmet, wala sang driver’s license kag wala marehistro ang motorsiklo.

Ini ang ginpahayag ni Mr. Jeck Conlu, pinuno sang Public Safety and Transportation Management Office (PSTMO) sa interview sang Radyo Bandera Iloilo, kasunod sang mandu ni Mayor Jerry Treñas nga anti-illegal muffler operations sa syudad.

Suno kay Conlu, santu sa ordinansa, ang mga tambutso sang nomal nga motorsiklo ang indi dapat maglapaw sa 115 decibels.

- Advertisement -

Sa 1st offense, may yara sang P1,000 nga multa, P2,000 sa second offense, kag P5,000 naman ang multa sa third offense kag pagakakson ang muffler sang motorsiklo.

Dugang pa sini nga masami sa mga nagadakpan amu ang mga kabataan.

Nagpanugyan naman si Conlu sa mga may modified mufflers nga islan na ini.

- Advertisement -

Natalana naman subong nga aga nga magpatigayon sang inspeksyon ang katapo sang PSTMO, Business Permits and Licensing Office (BPLO) kag Philippine National Police (PNP) sa mga baligyaan sang mga tambutso sa syudad sang Iloilo kun bala may ginabaligya nga ‘noisy mufflers’.

Sunu kay Conlu lakip sa mga provisions sang Anti-muffler ordinance amu ang pag-inspect sang mga baligyaan kun bala may yara sang mga gina-baligya nga mga open pipe mufflers, bangud mahimu nga magpangatubang sang penalidad ukon siraduhon ang mga establisyemento nga nagabaligya sini.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,340SubscribersSubscribe

Latest Articles