ILOILO CITY — Naglab-ot na sa 1,545 ka mga baboy ang nagpositibo sa African Swine Fever sa probinsya sang Iloilo.
Sa nasambit nga numero, 1,342 diri ang gikan sa banwa sang Oton, 105 sa banwa sang San Miguel, 32 sa banwa sang Alimodian, 19 sa banwa sang Leganes kag 47 sa banwa sang Sta. Barabara.
241 naman ka mga hog/backyard raisers ang apektado sang ASF.
Sa interview sang Radyo Bandera Iloilo kay Governor Arthur Defensor Jr., sa lima ka mga kabanwahanan nga may kaso sang ASF, 440 tanan ka mga samples ang ginpang-test kun sa diin 205 sa mga ini ang nagpositibo.
Sa karon tatlo ka mga banwa ang nagapabilin sa idalom sang Alert Level nga nalakipan sang banwa sang Oton, San Miguel kag Leganes.
Nagpahanumdom man ang gobernador nga kun may yara sang mga baboy nga nagabatyag gilayon nga i-report sa Municipal Veterinarian Office kag Local Government Unit.
