Tuesday, February 7, 2023

Masobra 150,000 ka mga Grade 12 students sa Western Visayas magakuha sang national achievement test sa katapusan sang Enero

- Advertisement -

ILOILO CITY — Magakuha sang National Achievement Test (NAT) ang 154,933 ka mga Grade 12 students sa Rehiyon 6 sa Enero 30 tubtob 31, 2023.

Sa interview sang Radyo Bandera Iloilo kay Hernani Escullar Jr, Regional Information Officer sang DepEd 6, igapatigayon ang nasambit nga test paagi sa paper modality kun sa diin lakip sa mga learning areas amu ang Languages, Humanities, Communication, Mathematics, Science, Social Science kag Philosophy nga magatul-id sa lebel sang skills sang tagsa ka estudyante.

Sa nasambit nga datos sang mga Grade 12 students, 123,833 ang gikan sa pampubliko nga eskwelahan, 30,694 sa pribado nga eskwelahan kag 406 halin sa Local University or College (LUCs) kag State University or College (SUCs).

- Advertisement -

Pagahatagan sang certificate ang mga estudyante sang ila aktwal nga rating sa tagsa ka core subject area.

Nakapatigayon naman sang online national orientation nahanungod sa pagsulundan sa test administration, responsibilidad sang field-testing personnel, pag-download sang program support fund.

Nahibaluan nga ang pinakaulihi nga pagpatigayon sang National Achievement Test (NAT) sadto pang tuig 2018.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,350SubscribersSubscribe

Latest Articles