Sunday, December 4, 2022

Masobra 3 mil ka mga PUVs nakakuha sang updated fare matrix sa bug-os nga Western Visayas

- Advertisement -

ILOILO CITY — Nakagawad na ang kabug-usan nga 3,168 ka mga Public Utility Vehicle (PUV) sang bag-o nga fare matrix para sa pagpasaka sang plete sa Land Transportation Franchising and Regulatory Board (LTFRB) 6.

Sa interview sang Radyo Bandera Iloilo kay Atty. Salvador Altura, spokesperson sang LTFRB 6, sa nasambit nga numero, 1,267 diri ang traditional jeepney, 321 sa Modernized jeepney, 669 sa provincial buses, kag 911 naman sa taxi.

Suno kay Altura, madamo pa ang wala nakakuha bangud pila sa mga ini ang wala sang existing franchise nga isa sa mga requirement sa pagkuha sang nasambit nga matrix.

- Advertisement -

Nahibaluan nga nagsaka sang P1 ang plete sa traditional kag modernized jeepney nga gi-implementar sumugod sang Oktubre 3.

Samtang, sa masunod nga kilometro, nagadangat sa P0.30 tubtob P1.80 para sa traditional PUJs, kag P0.40 tubtob P2.20 para sa mga modern PUJs.

Nagsaka naman sang P2 ang minimum fare para sa mga provincial buses, kag may yara sang dugang nga P1.90 tubtob 2.90 sa masunod nga mga kilometro.

- Advertisement -

Sa mga taxi, ang flagdown rate ang yara na sa P45.

Indi naman sila mahimo makapanukot sang nasambit nga dugang plete tubtob wala sang nakapaskil nga fare matrix sa ila unit.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles