Masobra 300 ka mga persona naaresto sang IPPO sa sulod sang isa ka bulan

ILOILO CITY — Nakaaresto sang kabug-usan nga 382 ka mga persona ang Iloilo Police Provincial Office (IPPO) humalin sang Setyembre 1 tubtob 30, 2022.

Nahibaluan nga sa nasambit nga numero, 11 ka mga persona ang nadakpan nga nagahupot sang armas luthang, 15 ang Wanted Persons kun sa diin isa ang Regional level, isa ang Provincial level, kag 13 ang Municipal Level.

Samtang, 275 naman ang naaresto sa paghikot sang iligal nga sugal kun sa diin nakakumpiskar sang balor nga P64,036 nga pataya.

Sa pihak nga bahin, 44.5 grams naman ang nakumpiskar nga shabu nga nagabalor P302,600.