Masobra 700 ka new cases sang covid-19, narekord sa Western Visayas

ILOILO CITY – 795 ka panibag-o nga kaso sang CoVid-19 ang narekord sa Western Visayas.

Sa data nga gin-pagwa sang Department of Health Region VI, ang probinsya sang Iloilo ang nakarekord sang 396 cases; samtang 127 cases sa probinsya sang Negros Occidental kag 112 cases naman sa syudad sang Iloilo.

Nakarekord naman sang 50 cases ang syudad sang Bacolod; 44 cases sa probinsya sang Antique; 26 cases sa probinsya sang Guimaras; 22 cases sa probinsya sang Capiz; kag 18 cases naman sa probinsya sang Aklan.