Tuesday, January 31, 2023

Masobra 7,000 ka enforcers gikan sa nagkalain-lain nga lugar sa Western Visayas, gin-deploy na para sa Dinagyang Festival 2023; Kapulisan, dumilian nga mag-usar sang cellphone sa tion sang duty

- Advertisement -

Gin-deploy na ang 7,200 tanan ka security enforcers gikan sa nagkalain-lain nga units sa Western Visayas para magbantay sa seguridad sang Dinagyang Festival 2023.

Sa nasambit nga numero, 2,000 nga pulis ang gikan sa Iloilo samtang ang dugang nga 2,000 ang gikan naman sa iban nga lugar sa Western Visayas, kag ang iban naman nga enforcers ang gikan sa nagkalain-lain nga law enforcement agency.

Sa ginhiwat nga send-off ceremony, ginpahayag ni Police Regional Director Brigadier General Leo Francisco, nga sang tinalikdan pa nga tuig sang ila ginplanohan ang seguridad para sa pagahiwaton nga mga festivals sa rehiyon 6.

- Advertisement -

Ginhatagan-pagtamud ni Francisco ang madinalag-on nga MassKara Festival sang Bacolod City kag Ati-Atihan Festival sa Aklan sa diin nangin matawhay kag malinong ang pagselebrar kag wala sang may narekord nga krimen bangud sa hugot nga pagbantay sang mga otoridad.

Nagalaum naman ang PRO-6 Director nga mangin hands-on ang tanan sa patigayunon nga Dinagyang Festival sa Enero 21 tubtob Enero 22.

Samtang, nagmando naman si Francisco nga dumilian ang mga kapulisan, ilabi na ang naka-duty sa field nga mag-usar sang cellphone kun wala man lang sang personal nga emerhensya.

- Advertisement -

Suno sa iya, dako nga epekto sa ila ang cellphone bangud nagakadulaan sang konsentrasyon ang kapulisan sa ila trabaho.

May yara naman sang radyo ang tanan nga pulis nga amo ang pwede nila mahimo nga source sang komunikasyon agud makahaboy sang impormasyon kun may insidente nga natabo sa lugar nga ila nasakopan.

Pananglitan madakpan ang isa ka pulis nga naga-usar sang cellphone kag kun indi emerhensya ang gina-atupag, mahimo sila kasohan sang administrative, conduct of unbecoming kag insubordination.

- Advertisement -

Kun mahibaluan, may yara sang red team ang PRO-6 nga nagalibot agud tsekyaron ang kapulisan nga yara sa field, kag may counter intelligence naman si Francisco nga naga-tsekyar sang pa sekreto.

- Advertisement -
Karen Badilla
Karen Badilla
Karen might be new in the news landscape of Iloilo but she's certainly a pro. Before joining forces with Radyo Bandero Iloilo news team, she served as one of the reporters/anchorwoman/news writers of a radio station in Bacolod City. With more than 3 years of broadcast experience under her sleeve, Karen is a total package ready to serve and deliver nothing but reliable information to the people of Iloilo.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,340SubscribersSubscribe

Latest Articles