Masobra isa ka libo nga eskwelahan sa probinsya sang Iloilo nagahanda na sa 5-day in-person classes sumugod Nobyembre 2

ILOILO CITY — Nagahanda na ang 1,171 nga pampubliko nga eskwelahan para sa 5-day in-person classes ukon ang full implementation sang face-to-face classes sumugod Nobyembre 2.

Ini ang pahayag ni Leonil Salvilla, tagpamaba sang Schools Division of Iloilo, sa pagpakig-angut sang Radyo Bandera Iloilo.

Dugang pa niya, mayorya sa numero sang mga eskwelahan ang nagahitso na sang mga dugang nga facilities nahanungod sa pagpatuman sang safety protocol agud malikawan ang paglapta sang COVID 19.

Sa karon, ginahulat na lang ang datos sa masobra 200 ka mga pribado nga eskwelahan nga magapatigayon sa 5-day-in-person classes bangud mahimo man sila sa gihapon magpatigayon sang blended learning.