ILOILO CITY—Ginabanta P1,360,000 nga balor sang ginapatihan shabu ang nakumpiskar sa ginpatigayon nga drug buy bust operation sa Brgy. San Jose, Jaro, Iloilo City kaina sang kaagahon, Enero 9.
Sa ginhiwat nga operasyon sang Philippine Drug Enforcement Agency (PDEA) 6, siyam tanan ang na-aresto nga nakuhaan sang 40 ka sachets sang shabu nga ginabanta nagabug-at sang 200 gramo.
Lakip sa nadakpan amu ang isa ka babaye, isa ka katapo sang LGBTQ, isa ka foreign national kag anum ka iban pa nga mga kalalakihan.
Sa interview sang Radyo Bandera Iloilo kay Punong Barangay Maria Lee Ann Garagate, isa pa lang kabulan sumugod nga liwat nga nabuksan ang apartment kag tatlo pa lang ka semana nga naga-renta ang mga nagkaladakpan.
Suno pa kay Garagate, online ang ila transaksyon sa apartment kag inadlaw ang ila pagbayad sa balor nga P890.
Magapangatubang ang mga ini sa kaso nga paglapas sa RA 9165 ukon Comprehensive Dangerous Drugs Act of 2002.
