ILOILO CITY—Nagpatigayon sang Destruction Activity sang nakonpiskar nga iligal nga druga ang Philippine Drug Enforcement Agency (PDEA) 6 sa Central Azucarera de San Antonio, Barangay Cadilang, Passi City, Iloilo.
Sa nasambit nga aktibidad, 299.41 grams sang shabu nga nagabalor P2,036,041.72 kag 271.59 grams sang marijuana nga nagabalor P32,591.60 ang ginpangsunog pinaagi sa ila chemists kag evidence custodian.
Dugang pa diri ang mga nasambit nga droga ang gikan sa probinsya sang Iloilo, Antique kag Aklan.
Nahibaluan ang pagsunog sini ang kabahin sa pagsulundan sang ahensya sa idalum sang Republic Act 9165 ukon ang Comprehensive Dangerous Drugs Act of 2022 kag Dangerous Drugs Board Regulations. Nagtambong sa destruction ceremony sanday Police Regional Office 6 Director PBGen. Leo Francisco, Chief of Regional Forensic Unit 6 PCOL Agustina L. Ompoy, Hon. Elyzer Chavez, Vice Mayor sang Passi City, tiglawas gikan sa Department of Justice, Public Attorney’s Office, Non-Government Organizations, elected officials kag katapo sang media.
