ILOILO CITY — Nagakadapat nga i-practice sang mga katapo sang Philippine National Police (PNP) ang maximum tolerance sa tion sang police operations lakip na sa mga rallies.
Suno kay Police Regional Office (PRO6) Regional Director Police Brigadier General Flynn Dongbo, ang mga Police commanders sa bug-os nga rehiyon ang nahatagan na sang instructions nga sundon sang istrikto ang PNP operational procedures kag i-exercise ang maximum tolerance sa tanan nga tion.
Pahayag pa dugang sang natungdan nga dapat nga respetuhon ang kinamatarong sang tanan ilabi na sa tion sang mga hublag protesta.
Ginapasiguro man sang PNP suno kay Dongbo ang safety sang general public lakip na ang paghalong agud nga wala sang propiedad nga maguba kag malikawan ang pagtuga sang traffic inconvenience.
