Mayor Jerry Treñas nagalaum nga ipaiway sang mga konsehal ang ila tagsa ka personal kag party agenda kasunod sang ginpatigayon nga inaugural session kahapon nga adlaw

ILOILO CITY — Nagalaum si Iloilo City Mayor Jerry Treñas nga ipaiway sang mga Iloilo City Councilors ang ila tagsa ka personal kag party agenda kasunod sang ginpatigayon nga inaugural session kahapon nga adlaw.

Sa mensahe sang alkalde ginpahayag niya nga nagapati siya nga para sa serbisyo sang mga Ilonggos nagakadapat nga ipaiway anay ang pila ka mga personal agenda.

Sunu kay Treñas kabahin ini sang duties and responsibilities bilang public official nga unahon ang welfare sang mga pumuluyo.

Dugang pa sang alkalde ginahingyo niya ang local council nga pag-work closely sa iya para sa common good sang tanan.