ILOILO CITY — Nakapamuyayaw pa si Iloilo City Mayor Jerry Treñas antes nga na-aprubahan ang pagpaidalum sa syudad sang Iloilo sa alert level 1 status.
Ini ang ginkumpirma sang alkalde sa interview sang Radyo Bandera Iloilo.
Sunu sa alkalde kasubong nga wala sang sense of urgency ang pagdeklara sang alert level 1 sa syudad rasun nga ginpakigbato niya ini.
Dugang pa sang alkalde nag-abot pa sa punto nga ginpamangkot niya ang mga tiglikum sang National Inter-Agency Task Force kun bala bangud sa politika ang rasun sa kasubong pagpawala lang sang mga ini sa iya nga request.
Ginpahayag man sang alkalde nga unfair para sa syudad nga indi mapaidalum sa pinakanubo nga alert level bangud nga na meet man sang syudad ang mga parameters nga gina-require sang task force kasubong sang manubo nga COVID-19 daily attack rate, marekord nga COVID-19 cases kag Health Care Utilization Rate (HCUR)
