- Advertisement -
ILOILO CITY — Pabor si Iloilo City Mayor Jerry Treñas sa plano sang national government nga ipaidalum sa Alert Level 1 status ang bug-os nga pungsod.
Sa interview sang Radyo Bandera Iloilo sa alkalde ginpahayag sini nga manubo na ang COVID-19 cases sa syudad, padayon ang vaccination kag healthcare utilization sa syudad rasun nga nagapabor ini sa plano sang gobyerno.
Suno sa iya sa tion nga ipaidalum sa pinakamanubo nga alert level status ang pungsod ginalauman ang mahalog na nga pagsulundan sa diin ipabilin na lang ang facemask kag mas mangin mataas na ang capacity sang mga establisyemento. Dugang pa niya sundon sa gihapon ang minimum health protocols apang mas mangin matawhay kag halog ang mga pagsulundan.
- Advertisement -
