MDRRMO-Leon, ginarekomenda nga ipaidalum sa state of calamity ang banwa

ILOILO CITY — Ginarekomenda sang Municipal Disaster Risk Reduction and Management Office (MDRRMO) Leon nga ipaidalum sa state of calamity ang banwa kasunod sang pagbaha kag mga senyales sang landslide.

Ini ang pahayag ni Feljean Cagape, head sang MDRRMO Leon sa pagpakig-angut sang Radyo Bandera Iloilo.

Dugang pa ni Cagape, gina-monitor nila sa karon ang lebel sang tubig sa Sibalom River kun sa diin gin-abisuhan na nga mag-evacuate ang mga pamalay sa palibot sang suba nga ginsulod sang tubig baha.

Sa karon, ginabulubantayan man nila ang Brgy. Marirong kun sa diin may nakit-an nga mga crack sa tunga sang dalan kag may posibilidad nga mag-usmod rason nga ginpa-evacuate naman ang 57 ka pamilya sa ila kaiping nga barangay.