Nagakadapat gid nga hatagan sang importansya ang mental health awareness agud nga malikawan ang depression, anxiety kag iban pa nga makaguba sang mental health sang isa ka tawo.
Ini ang pahayag ni Dra. Rebecca Gregorios ang Medical Officer IV sang Iloilo City Health Office (CHO) kag head sang Bo. Obrero Health Center sa interview sang Radyo Bandera Iloilo.
Suno Gregorios may mga programa nga ginadihon ang Iloilo City Government para diri, kag agud nga mapabaskog ang relasyon sang tagsa ka miyembro sang pamilya.
Dugang pa sang doktor ma-hire man sang psychiatrist ang syudad agud nga matutukan sang maayo mga pasyente nga ginabuligan sang syudad.
Angut diri ginahatagan man sang pagtamud ang bullying sa eskwelahan kag sa trabaho nga isa sa nagapanguna nga rasun sang depresyon.
