Mga deboto ni Nuestra Señora Dela Candelaria, nagdugok sa pagbakal sang nagkalain-lain nga duag sang perdon;

ILOILO CITY— Pagkatapos sang misa sa Jaro Cathedral diretso na ang mga tumuluo sa pagbakal sang perdon nga naga-duag berde nga amo ang kolor sang kandila subong nga tuig.

Ang presyo sang perdon ang yara sa P135.00 ang putos samtang mahimo naman mabakal sa P27.00 ang isa ka bilog.

Sa interview sang Radyo Bandera Iloilo kay Fr. Sardon Dela Cruz, ang nagabantay sa pila sa pagbakal sang kandila, ginpahayag  sini nga ang duag nga berde ang nagapadumdum sa mga tumuluo kay San Jose nga nangin suga man ni Maria kag Hesus.

Dugang pa niya, kada duha ka oras nagapatigayon sang misa ang simbahan kag sa kilid sini may ara pa gid sang ginpatindog nga chapel agud nga indi magdinugok ang mga tawo kun magsimba.