ILOILO CITY — Nagdangat na sa 36 tanan ka mga edtudyante sang Pili National High School sa banwa sang Ajuy ang gindala sa ospital kun sa diin isa ang na-rekord nga patay kag ginapasuni biktima sang food poisoning.
Ini ang ginkumpirmar ni Rico Asumbra, Head Teacher III sang nasambit nga eskwelahan sa pagpakig-angut sang Radyo Bandera Iloilo.
Dugang pa ni Asumbra, nagpatigayon sila sang acquaintance party sang Biyernes, Nobyembre 4, kun sa diin nag-ululupod kaon ang isa ka section sang Grade 11 students sa isa ka boodle fight kag sila mismo ang nagpreparar sang kasag, scallops, adobo nga baboy kag buko juice nga ila ginkaon.
Sa karon padayon pa ang ila monitoring kag imbestigasyon kaupod ang ila Rural Health Unit samtang nagapadayon naman ang regular nga klase sang mga estudyante.
