ILOILO CITY — Dalagkuan nga kantidad nga nagalab-ot sa 100 tubtob 500-mil pesos ang kwarta nga ginapautang ni Wolf Gang Knorr ang German national nga ginluthang patay sang ginapahayag motorcycle riding-in-tandem suspects sa Brgy. Camiri banwa sang San Enrique, Iloilo.
Ini ang ginkumpirma ni Police Lt. Kate Paitan, designated spokesperson sang gintukod nga Special Investigation Task Group (SITG) sang Iloilo Police Provincial Office (IPPO) sa exclusive interview sang Radyo Bandera Iloilo.
Sunu kay Lt. Paitan konektado sa lending business ang ginalantaw nga motibo sa krimen base sa insyal nga imbestigasyon sang SITG.
Dugang pa sang natungdan nahatag na sang tiayon sang biktima ang listahan sang mga nagpangutang kag tanan nga yara sa listahan ang makabig nga mga persons of interest.
