Mga kabarangayan sa syudad sang iloilo, nagamat-amat na sa pagpangbaklas sang mga campaign materials suno sa Taskforce ASIS-U

Wala na nabudlayan pa ang Task Force Anti-Squatting and Illegal Structures Unit (ASIS-U) sa pagpatigayon sang oplan baklas matapos ang piniliay bangud amat-amat na nga ginpangbaklas sang mga pumuluyo ang mga campaign materials.

Ini ang ginpahayag ni ASIS-U Head Mr. Lovejoy Hosenilla sa interview sang Radyo Bandera Iloilo.

Sunu sa natungdan tatlo ka mga teams ang gin-deploy sang iya nga opisina agud nga magpang-clear ukon mapangkuha sang mga nagalinapta nga tarpaulins sa syudad.

Dugang pa sang natungdan wala na ang mga ini nabudlayan sa pagpatigayon sang oplan baklas bangud sa pagmato-mato sang mga barangay nga kakson ang mga nakatapik nga mga tarpaulins sa ila nga areas.