(TRIGGER WARNING) Mga kalalakihan, kalaban nga nagakomiter sang suicide sa probinsya sang Iloilo

Kalabanan nga mga kalalakihan ang nga nag-utas sang ila kabuhi ilabi na sa nagapang-edaron nga 17 tubtob 30 anyos, base sa record sang Iloilo Police Provincial Office sang tuig 2022.

Narekord ang 100 tanan ka kaso kag 84 dira amo ang kalalakihan.

Sa interview sang Radyo Bandera kay Don F. Sasu, Project Development Officer 1 sang Provincial Social Welfare and Development Office, ginatan-aw nga ang rason kun ngaa mas damo ang lalaki nga naga-utas sang ila kabuhi bangud sa ‘toxic masculinity’ nga ang lalaki wala nagapabutyag sang ila nabatyagan kag wala nagapakita sang ila emosyon.

Ginatan-aw man nga rason amo ang depresyon, problema sa pag skwela ukon gugma.

Nahibaluan nga kalaban diri ang mga lalaki amo nga young professionals ukon mga soltero.