ILOILO CITY — Ginkumpirma ni Iloilo City Mayor Jerry Treñas nga gina-istoryahan sang mga alkalde sa nagkalain-lain nga mga Local Government Units (LGU) sa pungsod nga hingyuon si Presidente Rodrigo Duterte nga magdeklara sang State of Economic Calamity.
Ini ang kasunod sang padayon nga pagtaas sang produktong petrolyo tuga sang nagapadayon nga away sa tunga sang Russia kag Ukraine.
Sunu sa alkalde sa tion nga ini ang madeklara mapahanugutan na ang mga LGU nga gamiton ang portion sang calamity fund agud nga makabulig sa mga most affected sectors sang komunidad kasubong na lang sa mga drivers sang mga depampasahero nga salakyan.
Dugang pa sang alkalde, pabor ini sa plano sang kasubong man niya nga alkalde apang nagakadapat nga may yara sang basehan nga parameters para sa nasambit nga deklarasyon.
