Thursday, December 8, 2022

Mga manugbaligya sang baboy sa merkado sang Oton, apektado ang benta matapos nga may narecord nga kaso sang ASF sa ila banwa

- Advertisement -

Nagapanghakruy ang mga manugbaligya sang baboy sa Oton Public Market matapos nga may narekord sang kaso sang (ASF) African Swine Fever sa Brgy. Bita sa nasambit nga banwa.

Sa interview sang Radyo Bandera Iloilo kay Larry Rojo, 54-anyos, 35 na ka tuig nga nagabaligya ini sang baboy sa merkado kag daku gid ang apekto sang ila palangabuhian bangud sa narekord nga kaso sang ASF sa ila banwa.

Suno kay Rojo, sang una apat ka baboy ang iya gina ihaw kag ginabaligya apang subong isa na lang kag nabudlayan pa ini nga mapaubos ang iya baligya.

- Advertisement -

Dugang pa ni Rojo, antes mag-anunsyo sang kaso sang ASF sa ila banwa, tag P280 tubtob P300 kada kilo ang presyo sang baboy apang subong tag P240 tubtob P250 na lang. Suno pa sa iya, kun sang una indi sila maayawan sa pagsinggit apang subong nagasalakit na lang ang ila tutunlan sa pagpanawag sa mga manugbakal apang wala sa gihapon bangud sa kakugmat sa ASF.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,200SubscribersSubscribe

Latest Articles