Tuesday, February 7, 2023

Mga nagabaligya sang baboy nga wala sang permit, may nagakaigo nga penalidad

- Advertisement -

May nagakaigo nga penalidad para sa kada indibidwal nga maglapas sang laye sa pagbaligya sang baboy.

Ini sandig sa Iloilo Provincial Ordinance 2022-286, sa diin gintukod ang provincial task force kag technical group kag Bantay ASF sa Barangay: Ba-bye ASF program nga nagahatag penalidad sa mga violators.

Sa interview sang Radyo Bandera Iloilo kay 2nd District Board Member Rolito Cajilig, main author sang nasambit nga ordinansa, ginpapasar ang ordinansa duha na ka semana ang nagligad matapos naka-rekord sang una nga kaso sang ASF sa Brgy. Bita Norte, Oton.

- Advertisement -

Suno sa board member, una nga ginpatuman ang banning of entry sa mga natumod nga apektado nga lugar sa Pilipinas apang naglapta na ini bangud madamo ang nagapalusot sang baboy.

Base sa ordinansa, ang penalidad para sa madakpan nga nagalapas sa ordinansa amo ang mga masunod: sa 1ST OFFENSE, may multa nga ₱5,000, revocation sang permit kag confiscation sang mga produkto; sa 2nd OFFENSE, pagkapriso sang 10 ka adlaw, multa nga ₱5,000, revocation sang permit kag confiscation sang mga produkto; kag sa 3rd OFFENSE, pagkapriso sang 15 ka adlaw, multa nga ₱5,000, revocation sang permit kag confiscation sang mga produkto.

Sa karon, may gina-preparar na nga assistance ang Iloilo Provincial Government para sa mga kuwalip[ikado nga naapektuhan nga mga hog raisers.

- Advertisement -

Nagahingyo naman si Cajilig nga kun mahimo indi na magpalusot sang baboy agud indi na maglapta ini.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,350SubscribersSubscribe

Latest Articles