Monday, August 15, 2022

Mga nasunogan nagapasalamat sa gihapon nga wala sang may naulamid nga kabuhi sa nagluntad nga sunog

- Advertisement -

ILOILO CITY—Daw kaangay lang nga wala sang may natabo nga sunog kun makita ang nawong ni Nanay Ana Tabirao, residente sang Brgy. Airport Mandurriao, Iloilo.

Isa si Nanay Ana sa mga nasunogan sa nagluntad nga sunog sang tinalikdan nga Biyernes, Marso 11, 2022.

Nahibaluan nga ginbutang ang mga biktima sa evacuation center matapos nga nagkala-upos ang ila nga balay.

- Advertisement -

Sa interview sang  Radyo Bandera Iloilo kay Ana Tabirao , ginpahayag sini nga sa tion sang nagluntad ang sunog wala gid sang may nasalbar nga gamit kundi ang mga papeles gid lang.

Suno pa sa iya, nagdalagan na lang ini pagwa bangud madasig ang paglamon sang kalayo.

Ginpakigbahin sini nga 1983 pa gintukod ang balay kag amo pa lang ini ang una nga tion nga iya na-eksperyensyahan ang sunog.

- Advertisement -

Dugang pa sang natungdan, masakit man batyagon nga nadulaan sila sang puluy-an apang nagapasalamat man ini sa gihapon sa Ginoo bangud wala sang may naulamid nga kabuhi sa ila nga pamilya.

Sa karun nagatinir ini gihapon sa evacuation center kag nagahulat sang bulig para sa ila.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
914SubscribersSubscribe
- Advertisement -

Latest Articles