Tuesday, October 4, 2022

Mga naumpisahan ni BGen. Dongbo, padayunon sang bag-o nga regional director; mga bag-o nga inisyatibo ni BGen. Francisco, suportado sang PRO6

- Advertisement -

ILOILO CITY – Ginpasalig ni Police Lt. Col. Arnel Solis, spokesperson sang Police Regional Office (PRO6) nga suportado nila ang ano man nga mga bag-o nga inisyatibo sang bag-o nga regional director nga si Police Brigadier General Leo Francisco tal-os kay Police Brigadier General Flynn E. Dongbo.

Sa exclusive interview sang Radyo Bandera Iloilo kay Solis, ginpasiguro sini nga padayunon ni Francisco ang tanan nga mga nasugudan ni Dongbo nga mga accomplishment sa peace and order.

Suno pa sa tagpamaba, sa sulod sang siyam ka bulan  nga nagpungko bilang regional director si Dongbo sugod sang Nobyembre 10, 2021, nagnubo sang 4% ang total crime incidents sa Western Visayas.

- Advertisement -

Isa man sa makabig nga dako nga accomplishment sini amo ang malinong kag matawhay nga May 9, 2022 elections kun sa diin wala sang may narekord nga election-related incidents.

Sa karon, ginahulat pa kun san-o ang schedule sang turn-over of command sa tunga nanday Dongbo kag Francisco.

Nahibaluan nga si General Dongbo ang gin-assign sa Directorate for Logistics umpisa sang Agosto 8, 2022 pinaagi sa Special Order No. 2022-4263 kadungan sang iya nga relief order bilang tagpamuno sang PRO6.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,020SubscribersSubscribe

Latest Articles