Saturday, August 20, 2022

Mga opisyales sang Brgy. Ponong Grande, Dueñas, Iloilo hugot na nga ginabantayan ang lugar nga masami ginahabuyan sang bato ang mga motorista

- Advertisement -

ILOILO CITY—Hugot na nga ginabantayan sang mga opisyales sang Brgy. Ponong Grande, Dueñas, Iloilo ang lugar nga masami ginahabuyan sang bato ang mga motorista nga nagalabay sa dalan.

Madumduman nga nagreklamo ang isa ka motorista bangud sang naglabay sila sa nasambit nga barangay, ginhaboy sang bato ang ila nga salakyan kag naguba gid ang windshield sini.

Naigo pa sang bato ang isa sa mga pasahero sini.

- Advertisement -

Sa exclusive interview ni Kabanderang Rey Umalay kay Punong Barangay Marigie Palmares sang Ponong Grande, Dueñas, Iloilo, ginpahayag sini nga nagdeploy na sila  sang Barangay Kagawad kag tanod nga maga-tsekyar sang sitwasyon sa nasambit nga lugar ilabi na kun gab-i.

Suno kay Palmares, madabong ang hilamon sa nasambit nga lugar kag indi mataas ang mga menor de edad gani posible nga indi nila makita ang ila ginahabuyan sang bato.

Ginpakigbahin sini nga nasolbar nila kag nakilal-an ang anum ka menor de edad bangud sa kooperasyon sang kapulisan nga nagkadto gilayon sa nasambit nga area.

- Advertisement -

Nakasapol naman sila sa mga ginikanan sang mga pamatan-on kag tuman ang ila hilibion bangud wala sila naglaum nga mahimo ini sang ila nga mga kabataan.

Natalana pa nga makipag-sapol karun sa hapon ang mga opisyales sang barangay kag mga biktima nga ginhabuyan sang bato para sa nagakaigo nga tikang para sa mga menor de edad nga naghimo sang nasambit nga insidente.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
924SubscribersSubscribe
- Advertisement -

Latest Articles