Mga pumuluyo nga nagapuyo malapit sa coastal, dapat may brochure sang disaster preparedness plan nga dapat tamdan kag tun-an agud ma-aaply sa tion sang kalalat-an suno sa PDRRMO

ILOILO – Isa sa mga importante nga tun-an ang brochure sa diin nakasaad ang tanan nga dapat himuon sa tion sang kalalat-an.

Ini ang ginpahayag ni Dr. Jerry Bionat, head sang Iloilo Provincial Disaster Risk Reduction Management Office.

Nahibaluan nga madamo nga panimalay ang naaepktohan sang buhawi nga naglabay sa Barangay Alegre sa banwa sang Oton kag sa distrito sang Arevalo sa syudad sang Iloilo kaina las-5:00 sang kaagahon.

Suno kay Bionat, luyag ni Iloilo Governor Toto Defensor Jr. nga may brochure ang tanan nga puluy-an ilabi na ang yara malapit sa coastal kag dapat nga tun-an kun ano ang pwede himuon sa tion may bagyo, buhawi, baha, ukon linog.

Advantage man suno kay Bionat kun ang isa ka tawo ang may ihibalo tuhoy sa disaster preparedness agud indi sila magpanic.