ILOILO CITY — Ginapaandaman ni Iloilo City Mayor Jerry Treñas ang mga senior citizens kag mga persons with comorbidity batok sa Omicron variant sang COVID-19.
Ini ang kasunod sang padayon nga pagtaas sang kaso sang nasambit nga balatian sa syudad sang Iloilo.
Sa flag raising ceremony sang Iloilo City Hall, ginpahayag sang alkalde nga padayon subong nga nagataas ang marekord nga kaso sang COVID-19 sa syudad gani nagakadapat nga maghalong ang tanan kag magsunod sa mga minimum health protocols ilabi na ang mga vulnerable nga sektor sang komunidad.
Dugang pa sang alkalde, ginapahanumdom gid ang tanan nga wala pa nakapa-booster vaccine nga mag-avail na sang nasambit nga bakuna agud nga mas mangin protektado batok COVID-19 kag iban pa sini nga mga variants.
