Friday, October 7, 2022

Minimum health protocols, ginapasiguro nga masunod sang Taal Elem. School sa liwat nga pagbukas sang klase sa Agosto 22

- Advertisement -

Ginpasigurado ni Mrs. Jocelyn Sasa, Principal 1 sang Taal Elementary School, sa Distrito sang Molo nga masunod ang minimum health protocols sa nagahilapit nga pagbukas sang klase sa nasambit nga buluthuan sa Agosto 22, matapos ang madinalag-on nga paghiwat sang “Brigada Eskwela” subong nga adlaw sang Lunes, Agosto 16.

Sa exclusive interview sang Radyo Bandera Iloilo, ginpahayag ni Mrs. Sasa nga isa sa mga daku nga pagbag-o sa pagbalik sang limited face-to-face classes sang mga estudyante amo ang scheduling sang pagkadto sang mga kabataan sa eskwelahan kung sa diin half day ang klase bangud sa patigayunon nga disinfection sa buluthuhan.

Dugang pa sini, gintunga sa pila ka grupo ang mga estudyante kung sa diin ang Batch A ang maga-report sa una nga semana sa buluthuan samtang ang Batch B, C kag D ang home-based nga patigayunon ang modular type sang learning.

- Advertisement -

Ginkalipay nga ipakigbahin ni Ms. Sasa nga fully vaccinated na ang mga teaching kag non-teaching personnel sang nasambit nga buluthuan.

Sa pihak nga bahin, iya man nga gin pasigurado nga kung may magpositibo sa COVID-19 virus nga manunudlo, non-teaching personnel ukon estudyante, may yara na sang control plan ang nasambitan nga buluthuan.

Ginhatagan man sang igtalupangod ang padayon nga pagsaka sang kaso sang dengue sa syudad kag ginapangabay ang mga ginikanan nga magbulig sa pagpanglimpyo sa buluthuan ilabi na sa mga breeding places, amo man ang pagpasuksok sang mga knee socks sa mga babayi nga estudyante kag paggamit sang mga lotion kontra sa lamok.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,030SubscribersSubscribe

Latest Articles