Nagdugay sang tatlo ka oras ang ginpatigayon nga pagsinapol sang Metro Iloilo Water District (MIWD), Metro Pacific Water kag Flo water kaupod ni Iloilo City Mayor Jerry Treñas kag Gov. Arthur Defensor Jr. agud istoryahan ang natalana nga water supply interruption.
Ini ang ginkumpirma sang alkalde sa interview sang Radyo Bandera Iloilo. Sunu kay Treñas nagakabalaka sila ni Defensor nga madulaan sang supply sang tubig sa pila ka mga areas sang syudad kag probinsya rasun nga nagpatawag ang mga ini sang pagsinapol.
Dugang pa sang natungdan indi ma-afford sang syudad kag probinsya nga madulaan sang supply sang tubig gani malipayon ini sa nangin resulta sang ila nga meeting sa diin ginapasalig ang mga water suppliers nga indi madulaan sang supply sang tubig ang syudad kag probinsya sa sulod sang anum ka bulan nga enterim period.
