ILOILO CITY- Gina-imbestigaran sa karon sang Molo Police station ang basag kotse nga nagakatabo sa distrito sang Molo.
Ini ang pahayag ni Police Captain Benjie Dicen sa interview sang Radyo Bandera Iloilo.
Suno kay Police Captain Dicen, una diri nga nag-report sa istasyon si Cristine Joy Pabiona sang San Antonio, Molo matapos nga ginbuka ang kilid sang iya salakyan sang Marso 13, 2023 kag may duha pa gid kag may duha pa gid nga ila ginausisa.
Pahayag sini nga kapin 4,422 nga balor sang pagkaon ang nakuha sang suspect sa salakyan ni Pabiona.
Sa CCTV footage nga nakuha sang Radyo Bandera Iloilo makita ang suspetsado nga sulusid-ing sa salakyan tubtub nga nagsulod.
Pagkalipas sang pila ka minutos, nagguwa ini sa salakyan nga may ginabitbit kag sang nagapadulong sa CCTV nagdungok ini rason nga wala nakilala. Ginatan-aw sang Molo Police Station nga isa lang ka suspetsado ang nagaobra sang pagpangkawat pinaagi sa pagpangbuka sang salakyan.
