ILOILO CITY— Sa pinaka-una nga tion narumpag ang 16 na ka tuig nga Montfort Bridge sa Brgy, Poblacion, Dingle, Iloilo nga naga-angut sa syudad sang Passi kag banwa sang San Enrique.
Sa interview sang Radyo Bandera Iloilo kay Poblacion, Dingle Punong Barangay, Edgar Andora, ginpahayag sini nga ala 1:00 kaina sang kaagahon sang nausmod ang foundation sang taytay gani nahulog ini kag narumpag.
Suno kay Andora, isa ka mayor nga taytay ang Montfort bridge kag naga-angut ini sa kaiping nga kabanwahanan sa Dingle.
Dugang pa ni Andora, ini ang naga-tunga sa 33 ka mga kabarangayan sa banwa sang Dingle kag masami nga gina-agyan padulong sa kaiping nga mga kabanwahanan gani mabudlay kag malayo na ang libuton bangud narumpag ang taytay.
Nagpanugyan ini sa publiko nga maghalong, mag-preparar kag mangin aligmat sa palibot.
Ginpasiguro man sang Punong Barangay nga magahatag sang bulig ang lokal nga panguluha sang Dingle.
