Monday, December 5, 2022

More Power Corporation, nagpaathag kon nga-a nagpataas sila sang sukot sa kuryente umpisa subong nga Setyembre

- Advertisement -

ILOILO CITY-Ginpaathag sang More Power Corporation ang pila ka mga rason sang pagpataas nila sang sukot sa kuryente sugod subong nga bulan sang Setyembre.

Sa exclusive interview sang 11 MBPS Program sang Radyo Bandera Iloilo kay Mr. Niel Parcon, Vice-President sang Corporate Planning and Regulatory sang More Electric and Power Corporation nga isa sa mga rason amo ang pag-untat na sang PSALM sa pag-supply sang kuryente sa MORE bangud natapos na ang kontrata diri.

Dugang pa ni Parcon nga nagbulos sa pagsupply ang Energy Development Corporation ukon EDC apang 20 megawatts lamang ang ginasupply sini nga tuman ka gamay ikumparar sa ginasupply sang PSALM nga 75 megawatts.

- Advertisement -

Ini man ang rason nga nagakuha ang More sang supply sa coal fired power plants kon sa diin mahal ang presyo sini tuga man sang mahal nga bili sang coal sa world market nga apektado sang giyera sa Ukraine kag pagnubo sang balor sang piso kontra Dolyar.

Ginpat-od ni Parcon nga nagapangita ang MORE sang iban nga supplier nga makasupply sa ila sang mas manubo nga presyo sang kuryente agud indi man magtaas sang daku ang balayran sang mga konsumidor.

Subong man, ginpahayag ni Parcon nga isa ang More Power sa may pinakamanubo nga sukot sa kuryente sa bilog nga Western Visayas sa pihak nga palareho lang ang ginakuhaan nila sang supply sang kuryente.

- Advertisement -

Nahibaluan nga epektibo subong nga Setyembre, mangin P12.48 na ang kada kilowatt hour sang More Power halin sa P9.14 ukon may P3.34 nga pagtaas apang mas manubo ini ikumparar sa iban nga electric cooperatives sa rehiyon 6.

Kadungan sini, ginapanugyan ni Parcon sa mga consumers nga mag-conserve sang kuryente pinaagi sa paghagan-hagan sa paggamit sang appliances kag patyon gid ang mga suga nga wala ginagamit.   

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles