Motorcycle rider, ginluthang-patay sa Barangay Ticud La Paz kaina sang kaagahon; biktima nakuhaan sang pila ka mga sachet sang iligal nga droga, pusil kag mga bala

ILOILO CITY—Dead-on-arrival ang isa ka motorcycle rider nga lalaki matapos ginluthang sa Barangay Ticud, La Paz alas-3:00 kaina sang kaagahon.

Ang biktima ang ginkilala nga si Rene Boy Pahitamos, 40-anyos kag residente sang amo nga lugar apang temporaryo nga nagapuyo karon sa Barangay Ingore.

Ginapahayag sang mga residente nga anom ka lupok ang ila nabatian.

Narecover naman ang pito ka mga empty shells sang wala pa matumod nga pusil sa crime scene kag Rusi 125 nga motorsiklo sang biktima.

Nahibaluan nga halin sa namatyan si Pahitamos.

Gilayon ini nga gindala sa ospital apang gindeklarar nga dead-on-arrival.

Nakuhaan naman sang pito ka mga sachet sang iligal nga droga, .38 caliber revolver kag mga bala ang biktima sa ospital.