PSWDO, nagahatag sang ayuda sa may mga mental health problems

Nagahatag sang financial assistance ang Provincial Social Welfare Development Office sang bulig sa mga indibidwal nga na-diagnose nga may ara sang Mental Health Illness.

Suno kay Don. F Sasu, Project Development Officer IV sang Provincial Social Welfare Development Officer, nagahatag ang ahensya sang balor ₱1500 tubtob ₱3000 nga cash aid sa mga benepisyaro

Kinhanglan lang nila magpadulong sa opisina sang PSWDO kag ipakita ang ila diagnosis.

Dugang pa sang natungdan nga bilog na tuig ang ila pagpanghatag sang ayuda sa mga benepisyaro tubtub sila ang mag-ayo.

Sa karon nagtaas sang 200% ang mga indibidwal nga nagapangayo sang bulig sa ila ahensya tungod sa padayon nila nga pagsakdag sang mental health awareness campaign.