Monday, December 5, 2022

Nagpatigayon sang infant selling sa Barangay Boulevard, Molo wala sang record sang pagbaligya sang bata sa barangay

- Advertisement -

ILOILO CITY — Ginkumpirmar ni Boulevard, Molo Punong Barangay Virgilio Villanueva nga wala sang record sang pagbaligya sang bata ang residente sini nga si Ana Agustin.

Madumduman nga kahapon, ginpatigayon sang Criminal Investigation and Detection Group (CIDG) ang entrapment operation batok kay Agustin kag sa iloy nga si Edelyn Pendon nga gina-alegar tuyo ibaligya ang lima ka adlaw nga lapsag.

Sa interview sang Radyo Bandera Iloilo kay Villanueva, ginpahayag sini nga sa ila pagkakilala kay Agustin, kumadrona ini kag nagapang-manicure.

- Advertisement -

Dugang pa ni Villanueva nga nakibot nalang siya kahapon nga nagkadto sa iya ang katapo sang CIDG kag ginpamangkot siya kun may ihibalo bala ini nga may nagabaligya sang bata sa iya barangay.

Gin-agda ini nga mangin witness, kag nagpadulong sila sa balay ni Agustin.

Didto ila naabtan nga may yara gid man sang lapsag, kag nakita sa cellphone sini ang madamo nga transaksyon sa kun sin-o ang luyag magbakal sang bata.

- Advertisement -

Apang suno sa punong barangay, ginapanginwala ni Agustin kag ni Pendon nga tuyo nila ibaligya ang lapsag, sa baylo ila ginpanindugan nga ipa-adopt lang nila ini.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles