Wednesday, August 17, 2022

Ice buko vendor nga bulag sa asawa, napun-an sang gugma ang tagipusuon matapos makabaton sang grasya halin sa Radyo Bandera Iloilo, Serbisyong Bandera, Wow May Puso!

- Advertisement -

Napun-an sang gugma ang tagipusuon ni Cyrus alyas Kimpoy Lleanza, 52 anyos sang mabisita sang Radyo Bandera News Team ang iya puluy-an sa Sitio Langka, Brgy. Benedicto, Jaro agud nga hatagan sang temprano pa nga pamaskwa.

Makit-an sa laragway ang tagpi-tagpi nga panimalay ni Tatay Kimpoy bangud kaagi ni sila bagyuhan.

Bulag ni siya sa iya asawa kag may lima ka kabataan nga naga edad 24, 22, kapid nga anak nga 16 anyos kag agot sini nga 12 anyos.

- Advertisement -

Pagbaligya sang ice buko ang pangabuhian ni Tatay Kimpoy agud lamang matustusan ang ila pang adlaw-adlaw nga kinahanglanon.

Dako nga kalipay kag pagpasalamat ang nabatyag ni Tatay Kimpoy nga mabaton sa labing una nga kahigayunan ang isa ka sako nga bugas, grocery items, kag hygiene kits halin sa Radyo Bandera Iloilo, Serbisyong Bandera, Wow May Puso nga padayon nga nagabulig sa mga nagakinahanglan kag nagahatag sang paglaum sa mga Ilonggo.

Nahibaluan nga ang ginhatag nga bulig ang halin sa ginkolekta nga fund sa ginpatigayon nga Sikad Mo: Kabuhi Ko (Fun Ride and Bike Race) sang tinalikdan nga Hulyo 3 kadungan sang 1st year Anniversary sang Radyo Bandera Iloilo kag sang RYU-Foundation ni Dr. Ramel Uy.

- Advertisement -

Padayon nga magahatag ang Radyo Bandera Iloilo sa mga pamilya nga pigado kag nagakinahanglan sang bulig gani kabandera bantayan kay basi ikaw na ang masunod nga mahatagan.

- Advertisement -

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
916SubscribersSubscribe
- Advertisement -

Latest Articles