ILOILO CITY — Balantayan bwas nga adlaw Marso 10 tubtob Marso 12 ang Bayanihan Bakunahan part 4 sang Department of Health Region VI.
Sa ginpatigayon nga pagsinapul sang Field Implementation and Coordination Team sang National Vaccination Operations Center, ginpatpat sini sa mga kapitan sa tagsa ka Barangay ang pagpanghanda para sa National Vaccination Day.
Nagapadayon man sa gihapon ang house-to-house vaccination kag pagbakuna sa mga work station lakip na sa mga District Health Centers.
Ini ang may tinutuyo nga malab-ot ang target nga 16 mil ka mga senior citizens nga mabakunahan subong nga bulan sang Marso.
Sa pinaka-ulihi nga datus sang Iloilo Provincial Health Office, nakarekord sang 1,248 ka mga senior citizens ang nagpositibo sa COVID-19 as of March 2,2022, samtang naglab-ot naman sa 853 ukon 68% ka mga katigulangan ang nagtaliwan bangud sa virus.
