Gina-abi abi ni Negros Occidental Governor Eugenio Jose “Bong” Lacson ang plano nga liwat nga pag-establisyar sang Negros Island Region. (NIR).
Nahibaluan nga sadtong tuig 2015 sang gintukod ang NIR paagi sa Executive Order No. 183, apang sang tuig 2017 naman sang gin-abolish ini paagi sa paagi sa Executive Order No. 38.
Kag sang tinalikdan nga inadlaw, aprobado sa Senate committee on local government ang lima ka hagna nga liwat makapa-establisyar sa Negros Island Region sa diin ginpasa ni Sen. JV Ejercito ang Senate Bill No. 126, 89, 812, 1422 kag 1469.
Apang, apisar nga pabor kay Lacson ang liwat nga pagtukod sang NIR, indi naman pabor si Negros Oriental Governor Roel Degamo.
Suno kay Degamo, may yara sang kinalain nga kultura ang Negros Oriental kag Negros Occidental rason nga indi kinahanglan ibalik ang NIR.
Isa sa mga gintumod sini amo ang mas ginapakamaayo sang mga residente nga mangin kabahin sang Cebuano-speaking people sa Bohol, Cebu, kag Siquijor provinces.
Ginpahayag man sini nga wala sya sang may nakita nga problema bilang kabahin sang Central Visayas.
