ILOILO CITY — Nagaplano ang Northern Iloilo State University (NISU) nga dugangan ang mga course program sini agud mangin competitive university sa rehiyon.
Sa interview sang Radyo Bandera Iloilo kay Dr. Bobby Gerardo, NISU President, dako ang pasalamat sini sa mga tawo nga nagbulig agud ma-convert ang nasambit nga eskwelahan sa unibersidad.
Suno sa iya, madamu nga mga kabataan ang maka-benepisyo sa mga programa nga ila plano idugang.
Dugang pa ni Gerardo, nagalaom ang unibersidad nga mangin madamu ang enrollees sa palaabuton nga mga academic year.
Nahibaluan nga plano nga idugang nga mga course programs amo ang Computer Engineering, Masters in Information Technology kag Masters in Engineering.
Sa pihak nga bahin ginklaro man sini nga padayon nga maka-avail sang free tuition for tertiary education ang mga kabataan nga maga-enroll sa nasambit nga unibersidad.
Madumduman na gin-aprobahan sang Commission on Higher Education en banc ang conversion sadtong Pebrero apang kahapon opisyal ini nga gindeklarar.
