Nutrivac- nutrition kag vaccination, masunod nga stratehiya sang Iloilo Provincial Government agud mas mapadasig ang 2nd booster vaccination

ILOILO CITY—Ginaduso sang Iloilo Provincial Government sa pagpanguna ni Governor Arthur Defensor Jr. ang programa nga Nutrition kag Vaccination agud mapadasig ang 2^nd booster vaccination.

Sa interview sang Radyo Bandera Iloilo sa gobernador, iya ginpahayag nga isa ini ka maayo nga stratehiya nga i-adoptar agud mapataas ang vaccination rates.

Sa pinakaulihi nga datus sang Iloilo Provincial Health Office, Mayo 19, 2022 nagdangat na sa 1,316,544 ukon 78.15% ang nabakunahan sang 1st dose, samtang yara naman sa 1,210,809 ukon 71.88% ang fully vaccinated nga mga indibidwal.

Yara pa lang sa 209, 246 ukon 12.42% ang nabakunhan sang booster doses.