Opisina sang BFP sa Muelley Loney sayluhon sa Fort San Pedro

ILOILO CITY— Ginkumpirmar ni Iloilo City Mayor Jerry Treñas nga gina-planuhan na ang pagsaylo sang opisina sang Bureau of Fire Protection (BFP) Iloilo City sa Fort San Pedro.

Sa interview sang Radyo Bandera Iloilo sa alkalde ginpahayag sini nga mabudlay para sa mga bombero ang lugar sang ila nga opisina gani ginpakamaayo sini nga pangitaan sang mas maayo nga lugar.

Suno sa alkalde plano ipahamtang malapit sa Department of Public Work and Highways (DPWH) VI ang strategic office sang BFP.

Dugang pa niya butangan man sang lain kag bag-o nga istruktura ang lugar nga halinan sang mga bombero.