Oton PNP, makig-angut sa mga barangay officials kag pasangkaron ang pagbantay sa mga lugar nga ginaula-an sang higko kun kaagahon

ILOILO CITY — Pagasangkaron ang police visibility kag magapakig-angut sa mga barangay officials ang kapulisan sang Oton kasunod sang akto nga pagkadakop sa isa ka kompanya sang poso negro nga naga-ula sang higko sa Brgy. Pakiad sa nasambit nga banwa sang Nobyembre 23.

Ini ang sandig sa pahayag ni Police Major Fernand Limbungan, hepe sang Oton Police Station sa pagpakig-angut sang Radyo Bandera Iloilo.

Dugang pa niya, indi lang makaisa ka beses nga may naghimo sini sa pila ka kabarangayan sang banwa.

Suno pa kay  Limbungan, mangin responsable sa pag-dispose sang mga basura kag iban pa nga higko bangud may penalidad kag mahimo makasuhan kun madakpan.